ინფრასტრუქტურის მინისტრი ახალქალაქსა და ნინოწმინდაში მიმდინარე და დაგეგმილ პროექტებს გაეცნო
ინფრასტრუქტურის მინისტრი ახალქალაქსა და ნინოწმინდაში მიმდინარე და დაგეგმილ პროექტებს გაეცნო. მინისტრმა ახალქალაქი–კარწახის გზის სარეაბილიტაციო სამუშაოები ადგილზე შეაფასა და კონტრაქტორებთან არსებული პრობლემები განიხილა. თურქეთის საზღვრისკენ მიმავალი გზის 12 კილომეტრზე მეტის რეაბილიტაციისთვის სახელმწიფო ბიუჯეტიდან დაახლოებით 13 მილიონ 700 ათასი ლარია გამოყოფილი. ამ ეტაპზე სამუშაოები ორივე მონაკვეთზე შეჩერებულია. ვაჩიანისა და სულდის მიმართულებით მიზეზი საჭირო მასალის მოპოვების სირთულე და მკაცრი კლიმატური პირობებია. მეორე მონაკვეთზე ასფალტის საფარის ძირითადი ნაწილი უკვე დაგებულია და კონტრაქტორთან გამოვლენილი ხარვეზების გამოსწორებაზე მსჯელობენ. რევაზ სოხაძე სკოლების მშენებლობასა და სპორტულ პროექტებსაც გაეცნო. ახალქალაქში საფეხბურთო ცენტრი შენდება, ნინოწმინდაში კი მისი მშენებლობა იგეგმება. ასევე ნინოწმინდასა და სამ სოფელში წყალმომარაგების სამუშაოების 82 პროცენტი შესრულებულია. პროექტის დასრულება 2027 წლის აგვისტოშია დაგეგმილი, რის შემდეგაც ასობით ადამიანს წყალი უწყვეტად მიეწოდება











