ბათუმში მიმდინარე წყალბურთის საერთაშორისო ტურნირზე, „შავი ზღვის თასზე“ საქართველოს ჩემპიონმა „აპოლომ“ პირველი გამარჯვება მოიპოვა

ბათუმში მიმდინარე წყალბურთის საერთაშორისო ტურნირზე, „შავი ზღვის თასზე“ საქართველოს ჩემპიონმა „აპოლომ“ პირველი გამარჯვება მოიპოვა და გადადებულ შეხვედრაში გერმანული „ჰანოვერი“ დიდი ანგარიშით, 34-10 დაამარცხა. მანამდე კი დაძაბულ ბრძოლაში ტურნირის ერთ-ერთ მთავარ ფავორიტთან, „პრო რეკოსთან“ 11-8 წააგეს. აპოლოს დღეს კიდევ ერთი თამაში ელოდება და მოედანზე 20:00 საათზე „კაშივაზაკის“ წინააღმდეგ გავა. ტურნირის მეორე საშეჯიბრო დღის სხვა შეხვედრებიც საკმაოდ შედეგიანი გამოდგა: თბილისის „დინამო“ მსოფლიო წყალბურთის გრანდ „ფერენცვაროშთან“ 23-11 დამარცხდა, გერმანულმა „ჰანოვერმა“ იაპონურ„კაშივაზაკს“ 24-6 სძლია, ხოლო ბელგრადმა „მარსელს“ 18:10 მოუგო. დღეს, „აპოლოს“ მატჩამდე, მოედანზე თბილისის „დინამოც“ გავა და 16:00 საათზე ბელგრადს დაუპირისპირდება