ქართულმა ოცნებამ მარნეულის მერობის კანდიდატი ამირან გიორგაძე თეიმურაზ აბაზოვით შეცვალა

"ქართულმა ოცნებამ" 7 სექტემბერს წარდგენილი მარნეულის მერობის კანდიდატი ამირან გიორგაძე თეიმურაზ აბაზოვით შეცვალა. ამის შესახებ ინფორმაციას გამოცემა "ნეტგაზეთი" ავრცელებს.

გამოცემის ცნობით, ამირან გიორგაძემ ეს ინფორმაცია დღეს ჟურნალისტებისგან გაიგო. "ქართული ოცნების" გადაწყვეტილებით, გამარჯვების შემთხვევაში, ამირან გიორგაძე მარნეულის საკრებულოს უხელმძღვანელებს, ხოლო მერობისთვის თეიმურაზ აბაზოვი იბრძოლებს.

"ნეტგაზეთი" წერს ამირან გიორგაძეზე დაყრდნობით წერს, რომ მარნეულის მერობის ყოფილმა კანდიდატმა პარტიაში გადაწყვეტილების შეცვლის მიზეზის შესახებ არაფერი იცის. კითხვაზე, ჰქონდა თუ არა ადგილი კონფლიქტს ან რაიმე უთანხმოებას პარტიაში, გიორგაძე პასუხობს: “არ ვიცი, არა. ალბათ, დაზუსტდება და მერე შეიძლება გავაკეთო კომენტარი. ზოგადი ინფორმაცია მაქვს ახლა.”

"ქართულმა ოცნებამ" მარნეულის მერობის კანდიდატად ამირან გიორგაძე 7 სექტემბერს დაასახელა, შესაბამისად მისი საარჩევნო ბანერები ქალაქში უკვე გამოკრულია.

საქართველოში თვითმმართველობის არჩევნები 21 ოქტომბერს გაიმართება.