კოტე ჟღენტი: ჩინეთისა და საქართველოს ურთიერთობა აქტიური თანამშრომლობის ეტაპზე გადადის

საქართველოსა და ჩინეთის ურთიერთობების შესახებ დიპლომატმა, პარტია „ერთიანი ნეიტრალურ საქართველოს“ წევრმა, კოტე ჟღენტმა „დღის ქრონიკაში“ ისაუბრა,.

როგორც მან აღნიშნა, ჩინეთისა და საქართველოს ურთიერთობა აქტიური თანამშრომლობის ეტაპზე გადადის.

„ჩინეთი ისეთი რეალობაა ყველა თვალსაზრისით მსოფლიოში და საერთაშორისო ურთიერთობებში, რომ ასეთ ქვეყანასთან ასეთი ურთიერთობების განვითარება, როგორც ჩვენ გვაქვს, არა მხოლოდ მათი სიდიდიდან გამომდინარე, არამედ საერთაშორის ურთიერთობებში მნიშვნელობიდან გამომდინარე, ჩვენთვის ძალიან მნიშვნელოვანია.

გლობალურად, საერთაშორისო ურთიერთობებში ისეთი პროცესები ვითარდება, რომ ჩინეთის როლის ზრდას შეუძლებელია ყურადღება არ მიაქციო.

მაგრამ, სამწუხაროდ არა მხოლოდ ჩვენთან, უცხოეთშიც არის ექსპერტების ნაწილი, რომლებიც ჩინეთთან ურთიერთობებს არაერთგვაროვნად უყურებენ“, - აღნიშნა კოტე ჟღენტმა.