ბორის ჯონსონი: დიდი ბრიტანეთის უსაფრთხოების სამსახურებს 2016 წლის Brexit-ის რეფერენდუმში რუსეთის ან რომელიმე სხვა ქვეყნის ჩარევის მტკიცებულებები არ უპოვიათ

დიდი ბრიტანეთის უსაფრთხოების სამსახურებს 2016 წლის Brexit-ის რეფერენდუმში რუსეთის ან რომელიმე სხვა ქვეყნის ჩარევის მტკიცებულებები არ უპოვიათ. ამის შესახებ გაერთიანებული სამეფოს ყოფილმა პრემიერ-მინისტრმა და საგარეო საქმეთა ყოფილმა მინისტრმა, ბორის ჯონსონმა სოციალურ ქსელ X-ში განაცხადა.

ჯონსონმა აღნიშნა, რომ საგარეო უწყების ხელმძღვანელად დანიშვნისთანავე მან სპეცსამსახურებს ამ საკითხთან დაკავშირებით ინფორმაცია დაუყოვნებლივ მოსთხოვა.

ყოფილმა პრემიერმა ეს კომენტარი ბრიტანეთის მოქმედი პრემიერ-მინისტრის, ენდრიუ ბერნემის განცხადების საპასუხოდ გააკეთა, რომელმაც მოსკოვი რეფერენდუმში ჩარევაში ღიად დაადანაშაულა. ბერნემის თქმით, დაუნინგ-სტრიტზე მოსვლისთანავე მან დასვა შეკითხვა, ჰქონდა თუ არა ადგილი რუსეთის ჩარევას 2016 წლის კენჭისყრაში, რაზეც სპეცსამსახურებისგან ცალსახად დადებითი პასუხი მიიღო.

„ან უსაფრთხოების სამსახურებმა შეცვალეს თავიანთი პოზიცია, რაც ძალიან უცნაური იქნებოდა, ან [ბრიტანეთის პრემიერ-მინისტრი ენდრიუ] ბერნემი იტყუება იმის შესახებ, რაც მას უთხრეს. საბოლოო ჯამში, [ყოფილი პრემიერი კირ] სტარმერი ხელისუფლებაში ორი წლის განმავლობაში იმყოფებოდა და ზუსტად იმავე ინფორმაციაზე მიუწვდებოდა ხელი“, - განაცხადა ბორის ჯონსონმა.