ფრიდრიხ მერცი: გერმანია და ევროპა რუსეთის წინააღმდეგ სანქციებს შეინარჩუნებენ

გერმანიის კანცლერმა, ფრიდრიხ მერცმა დონალდ ტრამპსა და ვლადიმირ პუტინს შორის დიზელის საწვავის ექსპორტთან დაკავშირებით მიღწეული შეთანხმება გააკრიტიკა.

კანცლერის განცხადებით, გერმანიის მთავრობამ ვაშინგტონსა და მოსკოვს შორის დადებული შეთანხმება ცნობად მიიღო, თუმცა მათ გზას არ გაჰყვება. მერცმა ხაზგასმით აღნიშნა, რომ გერმანია და ევროპა მოსკოვის წინააღმდეგ დაწესებულ სანქციებს კვლავ შეინარჩუნებენ.

„ასეთი გადაწყვეტილება გერმანიისა და ევროპისთვის მიუღებელია. რუსეთი სერიოზულ მოლაპარაკებებს მხოლოდ ზეწოლის ქვეშ წარმართავს, სწორედ ამიტომ ვინარჩუნებთ ჩვენს სანქციებს რუსეთის წინააღმდეგ“, - განაცხადა ფრიდრიხ მერცმა.

გერმანიის კანცლერმა ასევე აღნიშნა, რომ მოსკოვის მიერ უკრაინის სამოქალაქო ენერგეტიკულ ინფრასტრუქტურაზე თავდასხმების საპასუხოდ სანქციები კიდევ უფრო უნდა გამკაცრდეს. მან დასძინა, რომ ვოლოდიმირ ზელენსკის შეუძლია კვლავ ჰქონდეს გერმანიისა და ევროპის მხარდაჭერის იმედი.