აშშ-ის გენერალურმა პროკურორმა მოლოტოვის კოქტეილებით თავდასხმა დაგმო და აღნიშნა რომ მსგავსი იარაღის გამოყენება ვანდალიზმს სცდება და შიდა ტერორიზმად ხასიათდება

ამერიკის შეერთებული შტატების გენერალური პროკურორი, პემ ბონდი „დემოკრატებს“ „ტესლაზე“ თავდასხმების წაქეზებაში ადანაშაულებს.

პემ ბონდის განცხადებით, ამერიკის კონგრესის წარმომადგენელთა პალატის „დემოკრატმა“ წევრმა, ჟასმინ კროკეტმა განაცხადა, რომ კარგი იქნებოდა თუ მის დაბადების დღეზე „ტესლას“ ავტომობილებზე თავდასხმები მოხდებოდა.

გენერალურმა პროკურორმა აღნიშნა, რომ ეს ძალადობის წაქეზებაა. მისი განმარტებით, მთელი ქვეყნის მასშტაბით შეტევები იზოლირებული შემთხვევები არ არის.

საქმეზე სამ ადამიანს ბრალი ავტომობილებისა და „ტესლას“ ქონების დაზიანების გამო უკვე წაუყენეს. მათ 20-წლამდე პატიმრობა ემუქრებათ.

ბონდიმ მოლოტოვის კოქტეილებით თავდასხმაც დაგმო და აღნიშნა რომ მსგავსი იარაღის გამოყენება ვანდალიზმს სცდება და შიდა ტერორიზმად ხასიათდება.