ქაბულის აეროპორტთან აფეთქება მოხდა

ქაბულის საერთაშორისო აეროპორტთან ახლოს სარაკეტო დარტყმები განხორციელდა. ტელეკომპანია Tolo News-ის ცნობით, დაბომბვის შემდეგ აეროპორტის ადმინისტრაციამ ყველა რეისი გააუქმა და მგზავრთა ევაკუაცია განახორციელა.

ამ დრომდე დაშავებულების შესახებ ინფორმაცია არ ვრცელდება. ავღანეთის დედაქალაქში აფეთქება, სავარაუდოდ, პენტაგონის შეფის - ჯეიმს მეტისისა და ნატოს გენმდივნის - იენს სტოლტენბერგის ჩასვლას უკავშირდება. თავდასხმაზე ჯერჯერობით პასუხისმგებლობა არცერთ ორგანიზაციას აუღია.

ჯეიმს მეტისი და იენს სტოლტენბერგი ქაბულში ქვეყნის ხელისუფლებასთან მოლაპარაკებების გამართვის მიზნით ჩავიდნენ.