უკრაინული მედია: მიხეილ სააკაშვილი შესაძლოა რეფორმების ეროვნული საბჭოს მდივნად დაინიშნოს

უკრაინის პრეზიდენტმა განიხილა და მხარი დაუჭირა წინადადებას მიხეილ სააკაშავილის მინისტრთა კაბინეტში დანიშვნის შესახებ, რომელსაც უმაღლესი რადის დამტკიცება არ სჭირდება, - ამის შესახაბ უკრაინული გამოცემა ZN.UA ვოლოდიმირ ზელენსკის ადმინისტრციაში თავის წყაროებზე დაყრდნობით წერს.

მათი ინფორმაციით, ზელენსკი აპირებს სააკაშვილი მინისტრთა კაბინეტში თავის წარმომადგენლად დანიშნოს. ამავდროულად საქართველოს ექსპრეზიდენტი შესაძლოა რეფორმების ეროვნული საბჭოს მდივანიც გახდეს, რომელსაც ახლა ზელენსკი ხელმძღვანელობს.

გამოცემის ცნობით, თუ ზელენესკი არ გადაიფიქრებს, სააკაშვილი უკვე მომავალი კვირის დასაწყიში დაინიშნება.

22 აპრილს ცნობილი გახდა, რომ მიხეილ სააკაშვილს უკრაინის ვიცე-პრემიერის თანამდებობა შესთავაზეს. თუმცა 30 აპრილს მთავრობამ პარლამენტიდან სააკაშვილის კანდიდატურა გაიწვია.