ამერიკულ-რუსულმა ეკიპაჟმა ხომალდით „სოიუზ МС-28“ საერთაშორისო კოსმოსურ სადგურზე 8-თვიანი მისია დაიწყო

ამერიკულ-რუსულმა ეკიპაჟმა საერთაშორისო კოსმოსურ სადგურს მიაღწია, სადაც 8-თვიან მისიას შეასრულებს.

ეკიპაჟის წევრები არიან: NASA-ს ასტრონავტი კრის უილიამსი და რუსი კოსმონავტები სერგეი მიკაევი და სერგეი კუდ-სვერჩკოვი. მათმა ხომალდმა „სოიუზ МС-28“ სტარტი ყაზახეთიდან აიღო. მისიის ფარგლებში ჩატარდება სხვადასხვა ექსპერიმენტი, ასტრონავტები კი გეგმურად გავლენ კოსმოსში.

მოსალოდნელია, რომ ეკიპაჟი ორბიტაზე 2026 წლის ივლისამდე დარჩება.