გიორგი ვოლსკი საკონსტიტუციო სარჩელზე: ამ პერიოდმა აჩვენა, რომ ჩვენ გვაქვს საქმე არა პოლიტიკურ პარტიებთან, არამედ გარკვეულ პოლიტიკურ ჯგუფებთან, რომლებიც გაერთიანებულები არიან შეთქმულებაში საქართველოს წინააღმდეგ
პოლიტიკა

გიორგი ვოლსკი
საქართველოს პარლამენტი
ამ პერიოდმა აჩვენა ის, რომ ინტენსიური, გააფთრებული მხარდაჭერის მიუხედავად, სიმართლე არის ერთი, ჩვენ გვაქვს საქმე არა პოლიტიკურ პარტიებთან, არამედ გარკვეულ პოლიტიკურ ჯგუფებთან, რომლებიც გაერთიანებულები არიან შეთქმულებაში საქართველოს წინააღმდეგ, - განაცხადა პარლამენტის პირველმა ვიცე-სპიკერმა გიორგი ვოლსკიმ.
მან საკონსტიტუციო სასამართლოში მიმდინარე პროცესი შეაფასა.
„პირველი დღიდან დღემდე მნიშვნელოვნად შეიცვალა ვითარება, ეტყობა კოლექტიურმა „ნაცმოძრაობამ“ გადაწყვიტა გამოვიდეს სააშკარაოზე და ილაპარაკოს, რომ თუკი რამე დანაშაული ხდებოდა, ყველაფერი ქვეყნის ინტერესების სასარგებლოდ იყო. მუდმივად, ინტენსიურად საბოტაჟის რეჟიმი არის ჩამოყალიბებული, კოორდინირებული, დაფინანსებული და პოლიტიკურად მხარდაჭერილი. ამაზე უარს ვეღარ ამბობენ, ამართლებენ იმით, რომ თურმე ქვეყნისთვის ასეა საჭირო. ამ პერიოდმა აჩვენა ის, რომ საგარეო მხარდაჭერის მიუხედავად, ინტენსიური, გააფთრებული მხარდაჭერის მიუხედავად, სიმართლე არის ერთი, ჩვენ გვაქვს საქმე არა პოლიტიკურ პარტიებთან, არამედ გარკვეულ პოლიტიკურ ჯგუფებთან, რომლებიც გაერთიანებულები არიან შეთქმულებაში საქართველოს წინააღმდეგ“, - აღნიშნა ვოლსკიმ.
5 ოპოზიციური პარტიის საქმიანობის არაკონსტიტუციურად ცნობისა და მათი აკრძალვის შესახებ კონსტიტუციური სარჩელის განხილვა გრძელდება.





