ევროკავშირის პოლიტიკის მკვლევარი სტეფანო ახოკე: მე კარგად ვიცნობ საქართველოს ბრძოლას სუვერენიტეტისათვის, რასაც ვერ ვიტყვი მოდერატორზე, რომელიც მტრულად იყო განწყობილი საქართველოს პრემიერ-მინისტრისადმი, ის არ აცდიდა მას საუბარს

ერთადერთი სხვა პრემიერ-მინისტრი, რომელსაც ასე უარყოფითი განაწყობით დახვდნენ, იყო ალბანეთის პრემიერი, მაგრამ მე ვერც კი შევადარებ იმ ძალისხმევას, რომელიც გასწია "ევრონიუსის" ჟურნალისტმა საქართველოს პრემიერ-მინისტრის შემთხვევაში, - განაცხადა გადაცემაში "იმედი Live" ევროკავშირის პოლიტიკის მკვლევარმა სტეფანო ახოკემ, რომელიც გუშინ ბრიუსელში "ევრონიუსის" მიერ ორგანიზებულ სამიტს ესწრებოდა.

მისივე თქმით, საინტერესო და დადებითია, რომ პრემიერ-მინისტრმა ირაკლი კობახიძემ გადაწყვიტა სამიტს დასწრებოდა, მიუხედავად იმისა, რომ „ქართულმა მხარემ კარგად იცოდა, რომ დახვედრა არ იქნებოდა გულთბილი“.

"ეს ასეც მოხდა. ერთადერთი სხვა პრემიერ-მინისტრი, რომელსაც ასე უარყოფითი განწყობით დახვდნენ, იყო ალბანეთის პრემიერი, მაგრამ მე ვერც კი შევადარებ იმ ძალისხმევას, რომელიც გასწია "ევრონიუსის" ჟურნალისტმა საქართველოს პრემიერ-მინისტრის შემთხვევაში. მე კარგად ვიცნობ საქართველოს ბრძოლას სუვერენიტეტისათვის, რასაც ვერ ვიტყვი მოდერატორზე, რომელიც მტრულად იყო განწყობილი საქართველოს პრემიერ-მინისტრისადმი. ის არ აცდიდა მას საუბარს. ჩემი აზრით, მთავარი გზავნილი, რომელსაც პრემიერ-მინისტრი სთავაზობდა დამსწრე საზოგადოებას, გახლდათ ის, რომ საქართველო რჩება მოქნილ პოზიციაში და მზად არის მოლაპარაკებებისთვის. საქართველოს პრემიერ-მინისტრმა საჯაროდ მოუწოდა კიდევ ერთხელ ევროპულ მხარეს დისკუსიისთვის. ასევე, ჩემი აზრით, მნიშვნელოვანია, რომ საქართველოს პრემიერ-მინისტრმა ხაზი გაუსვა საჯაროდ ამ დისკუსიის ჩატარების აუცილებლობას და არა დახურულ კარს მიღმა. საქართველოს პრემიერ-მინისტრმა მტკიცედ განაცხადა, რომ კანონები, რომელიც საქართველოს პარლამენტმა დაამტკიცა, არ იქნება განხილვის საგანი და მათი უკან გაწვევა არ მოხდება მხოლოდ იმიტომ, რომ ამას ევროკომისია ითხოვს. მან დიალოგის წინაპირობად მოითხოვა დისკუსიის შესაბამის ფორმატში წარმართვა და არა ლექციის ფორმით, როცა ვინმემ ჭკუა უნდა ასწავლოს", - განაცხადა მკვლევარმა.