პრემიერ-მინისტრი Polygon Foundation-ის თანადამფუძნებელსა და აღმასრულებელ დირექტორს შეხვდა

პრემიერ-მინისტრი Polygon Foundation-ის თანადამფუძნებელსა და აღმასრულებელ დირექტორს შეხვდა. განიხილეს თანამშრომლობის გაფართოების შესაძლებლობები, რაც ხელს შეუწყობს ქვეყანაში ციფრული ეკონომიკის განვითარებას.

აღინიშნა, რომ სტრატეგიული მდებარეობა, შუა დერეფნის პერსპექტივები, მაკროეკონომიკური სტაბილურობა და ხელსაყრელი ბიზნესგარემო, საქართველოს აძლევს შესაძლებლობას, გახდეს რეგიონული ცენტრი ფინანსური სერვისებისა და ტექნოლოგიური ინოვაციების მიმართულებით. შეხვედრაზე ილაპარაკეს ქვეყნის სწრაფ ეკონომიკურ ზრდასა და მაღალკონკურენტულ ბიზნესგარემოზე, რაც საერთაშორისო ორგანიზაციების რეიტინგებითაც დასტურდება.

Polygon Foundation-ი 2017 წელს დაფუძნებული ორგანიზაციაა, რომელიც ბლოკჩეინ ტექნოლოგიების განვითარებას და გამოყენებას უწყობს ხელს.