რევაზ სოხაძე: ყველა ცენტრალური მაგისტრალი ამ წუთისთვის თავისუფალია, მათ შორის გუდაური-კობის მონაკვეთიც ყველა სახის ავტოტრანსპორტისთვის ახლა გახსნილია, თუმცა რთულია საუბარი იმაზე, რა იქნება რამდენიმე საათში
პოლიტიკა

რევაზ სოხაძე
ფოტო: IMEDI/ვიდეოკადრი
ყველა ცენტრალური მაგისტრალი დღეს, ამ წუთისთვის თავისუფალია, მათ შორის გუდაური-კობის მონაკვეთიც ყველა სახის ავტოტრანსპორტისთვის ახლა გახსნილია, თუმცა რთულია საუბარი იმაზე, რა იქნება რამდენიმე საათში, - განუცხადა „ქრონიკას“ ინფრასტრუქტურის მინისტრმა რევაზ სოხაძემ.
მისი თქმით, როდესაც გარემოს ეროვნული სააგენტოს რეკომენდაციაა, რომ რომელიმე კონკრეტულ მონაკვეთზე არის ზვავსაშიშროება, ამ კონკრეტულ მონაკვეთებზე მოძრაობა იზღუდება.
„საავტომობილო გზების დეპარტამენტის ათასობით თანამშრომელი ყოველდღიურ რეჟიმში მუშაობს იმისთვის, რომ გზებზე არანაირი შეფერხება არ შეიქმნას, თუმცა გარემოს ეროვნული სააგენტოს რეკომენდაცია როდესაც არის, რომ რომელიმე კონკრეტულ მონაკვეთზე გვაქვს ზვავსაშიშროება, ეს კონკრეტული მონაკვეთები იზღუდება.
მინდა, მოსახლეობამ იცოდეს, რომ ეს ობიექტური მიზეზებით არის გამოწვეული. ეს არ ხდება იმიტომ, რომ გზა არ იწმინდება. ყველა ცენტრალური მაგისტრალი დღეს, ამ წუთისთვის თავისუფალია, მათ შორის გუდაური-კობის მონაკვეთიც ყველა სახის ავტოტრანსპორტისთვის ახლა გახსნილია, თუმცა რთულია საუბარი იმაზე, რა იქნება რამდენიმე საათში“, - აღნიშნა რევაზ სოხაძემ.





