საქართველოს საგარეო საქმეთა მინისტრი 6-8 ნოემბერს ჩინეთში ოფიციალურ ვიზიტს გამართავს

საქართველოს საგარეო საქმეთა მინისტრი მაკა ბოჭორიშვილი 6-8 ნოემბერს ჩინეთში ოფიციალურ ვიზიტს გამართავს. ინფორმაციას ჩინეთის საგარეო საქმეთა სამინისტრო ავრცელებს.

როგორც ჩინეთის საგარეო უწყების მიერ გავრცელებულ ინფორმაციაშია აღნიშნული, ბოჭორიშვილი პეკინში ჩინეთის საგარეო საქმეთა მინისტრის ვან ის მიწვევით ჩავა.

ცნობისთვის, ბოჭორიშვილი სამთავრობო დელეგაციის შემადგენლობაში, რომელსაც საქართველოს პრემიერ-მინისტრი ირაკლი კობახიძე ხელმძღვანელობს, შანხაიში იმპორტის საერთაშორისო გამოფენაზე იმყოფება.