ბიძინა გიორგობიანი: თუ გავხდებით რომელიმე სამხედრო ალიანსის წევრი და მეორე მხარეს იქნება რუსეთი, ჩვენ ვხდებით ტერიტორია, სადაც ეს ორი დიდი სამხედრო ალიანსი ერთმანეთს შეიძლება სამხედრო ძალით დაუპირისპირდეს და ვიქცევით ჩვეულებრივ ბრძოლის ველად

თუ გავხდებით, რომელიმე სამხედრო ალიანსის წევრი და მეორე მხარეს იქნება რუსეთი ჩვენ ვხდებით ტერიტორია, სადაც ეს ორი დიდი სამხედრო ალიანსი ერთმანეთს შეიძლება, რომ სამხედრო ძალით დაუპირისპირდეს და ვიქცევით ჩვეულებრივ ბრძოლის ველად. აქედან გამომდინარე ჩვენ ვფიქრობთ, რომ ნეიტრალიტეტი არის ზუსტად ის პოლიტიკური საფუძველი და პლატფორმა, რომელიც გვაძლევს საშუალებას, რომ უახლოეს მომავალში თუ არა, ოდესმე გვქონდეს საშუალება, რომ დაველაპარაკოთ ჩვენს თანამოქალაქეებს აფხაზეთში, ცხინვალში, - განაცხადა გადაცემაში „იმედი LIVE“ „ერთიანი ნეიტრალური საქართველოს“ პოლიტიკურმა მდივანმა ბიძინა გიორგობიანმა.

მისი თქმით, აფხაზეთის და ცხინვალის დაბრუნების ერთადერთი შანსი საქართველოს ნეიტრალიტეტია ნებისმიერ სამხედრო ალიანსთან.

„ნეიტრალიტეტი არის პოლიტიკური პლატფორმა, რომელიც იძლევა შესაძლებლობების ფანჯარას დაიწყოს დიალოგი დიდ სახელმწიფოებს შორის, როგორც ეკონომიკურ ასევე პოლიტიკურ შეთანხმებაზე სამხრეთ კავკასიაში. ჩვენი მეზობლები, განსაკუთრებით აზერბაიჯანი, რომელიც მიუმხრობლობის სტატუსით მოქმედებს პოლიტიკაში და სომხეთშიც ძალიან საინტერესო პროცესებია ამ მხრივ, სამხრეთ კავკასიაში დიდ პოლიტიკური და ეკონომიკური შეთანხმების საფუძველზე შეიძლება გაიხსნას მოლაპარაკებების ფანჯარა აფხაზეთთან და ცხინვალთან.მაგრამ თუ ჩვენ ვიქნებით, რომელიმე სამხედრო ბლოკის წევრი, რომელიც მტრულად არის განწყობილი რუსეთთან მაშინ ჩვენ ფაქტობრივად არანაირი შესაძლებლობა არ გვაქვს. ეს აჩვენა 2008 წლის შემდეგ პროცესებმა, როდესაც ჟენევის ფორმატი ადგილიდან არ იძვრის და არაფრის მომტანი არ არის. და ეს გვაჩვენა ასევე უკრაინის ტრაგედიამ თუ რა მოსდის იმ ქვეყანას თუ ორი დაპირისპირებული სამხედრო ძალის შუაში მოჰყვება, როგორც დაპირისპირების არეალი. იმ შემთხვევაში თუ გავხდებით, რომელიმე სამხედრო ალიანსის წევრი და მეორე მხარეს იქნება რუსეთი ჩვენ ვხდებით ტერიტორია, სადაც ეს ორი დიდი სამხედრო ალიანსი ერთმანეთს შეიძლება, რომ სამხედრო ძალით დაუპირისპირდეს და ვიქცევით ჩვეულებრივ ბრძოლის ველად. აქედან გამომდინარე ჩვენ ვფიქრობთ, რომ ნეიტრალიტეტი არის ზუსტად ის პოლიტიკური საფუძველი და პლატფორმა, რომელიც გვაძლევს საშუალებას, რომ უახლოეს მომავალში თუ არა, ოდესმე გვქონდეს საშუალება, რომ დაველაპარაკოთ ჩვენს თანამოქალაქეებს აფხაზეთში, ცხინვალში. მშვიდობიან განვითარებას და ეკონომიკურ განვითარებას საქართველოში ალტერნატია არ აქვს, ამიტომ სამხედრო ბლოკებზე ფიქრს ჯობია ვიფიქროთ სხვა მიმართულებით, რა მიმართულებითაც ჩვენი პოლიტიკური პარტია უკვე დიდი ხანია საუბრობს“, - განაცხადა ბიძინა გიორგობიანმა.