ბიძინა გიორგობიანი: იმის ილუზიებში, რომ მიგვიღებდნენ ჩრდილოატლანტიკურ ალიანსში, ან ევროკავშირში, ძალიან ბევრი დრო დავკარგეთ და ახლაც ვკარგავთ. ვეცდებით, პარლამენტში შევიტანოთ ეს პრობლემა განსახილველად და ნეიტრალიტეტის სტატუსს ჰქონდეს საპარლამენტო ლეგიტიმაცია 2028 წლის არჩევნების შემდეგ

იმის ილუზიებში, რომ მიგვიღებდნენ ჩრდილოატლანტიკურ ალიანსში, ან ევროკავშირში, ძალიან ბევრი დრო დავკარგეთ და ახლაც ვკარგავთ, - განაცხადა გადაცემაში „იმედი LIVE“ „ერთიანი ნეიტრალური საქართველოს“ პოლიტიკურმა მდივანმა, ბიძინა გიორგობიანმა.

მისი თქმით, „ერთიანი ნეიტრალური საქართველო“ 2028 წლის არჩევნებში მიიღებს მონაწილეობას და პარლამენტის გზით ეცდება ქვეყანა ნეიტრალიტეტისკენ წაიყვანოს.

„იმის ილუზიებში, რომ მიგვიღებდნენ ჩრდილოატლანტიკურ ალიანსში, ან ევროკავშირში, ძალიან ბევრი დრო დავკარგეთ და ახლაც ვკარგავთ. ვეცდებით, პარლამენტში შევიტანოთ ეს პრობლემა განსახილველად და ნეიტრალიტეტის სტატუსს ჰქონდეს საპარლამენტო ლეგიტიმაცია 2028 წლის არჩევნების შემდეგ, როდესაც ამ საპარლამენტო არჩევნებში მონაწილეობას მივიღებთ.

გვექნება მცდელობა, რომ პარლამენტის გზით ვიაროთ ნეიტრალიტეტისაკენ. ამ გზაზე დიდი დაბრკოლებაა ხელისუფლების დაჟინებული და ლოგიკის მიღმა მდგარი ევროკავშირთან დაუსრულებელი დამოკიდებულება, როდესაც ვხედავთ ევრობიუროკრატებისა და საელჩოს დამოკიდებულებას საქართველოს მიმართ. ხელისუფლებამ ალბათ უფრო გაბედული ნაბიჯები უნდა გადადგას“, - აღნიშნა გიორგობიანმა.