ფედერიკა მოგერინი მოსკოვს 24 აპრილს ეწვევა

ევროკავშირის უმაღლესი წარმომადგენელი საგარეო და უსაფრთხოების პოლიტიკის საკითხებში ფედერიკა მოგერინი რუსეთს 24 აპრილს ეწვევა.
მოგერინი მოსკოვში სერგეი ლავროვმა დაპატიჟა. ინფორმაციას რუსეთის საგარეო უწყება ავრცელებს.

ევროკავშირის საგარეოპოლიტიკური სამსახურის ინფორმაციით, შეხვედრის დროს მხარეები საერთაშორისო პოლიტიკის აქტუალურ საკითხებს, კერძოდ, სირიის კონფლიქტს განიხილავენ, ასევე იმსჯელებენ ლიბიასი არსებულ სიტუაციაზე, ახლო აღმოსავლეთის სამშვიდობო პროცესზე, ირანზე, ავღანეთზე და აღმოსავლეთ უკრაინის კონფლიქტზე, ასევე ორმხრივ ურთიერთობებზე.