კაია კალასი: რუსეთი ჰიბრიდული იერიშებით ადამიანების სიცოცხლეს მთელ ევროპაში უქმნის საფრთხეს

ევროკომისიის ვიცე-პრეზიდენტმა, კაია კალასმა განაცხადა, რომ რუსეთი ჰიბრიდული იერიშებით ადამიანების სიცოცხლეს მთელ ევროპაში უქმნის საფრთხეს.

კალასის თქმით, ბოლო კვირებში ევროპაში რუსეთის მხრიდან ჰიბრიდული თავდასხმების, დივერსიის მცდელობებისა და საჰაერო სივრცის დარღვევის მკვეთრი მატება დაფიქსირდა.

მან აღნიშნა, რომ ბოლო დღეებში რუსულმა რაკეტებმა და დრონებმა კვლავ დაარღვიეს მოლდოვის საჰაერო სივრცე, რაც სრულიად მიუღებელია.

„რუსეთი ჰიბრიდული იერიშებით ადამიანების სიცოცხლეს მთელ ევროპაში უქმნის საფრთხეს. ბოლო კვირების განმავლობაში ევროპაში რუსეთის ჰიბრიდული თავდასხმების, დივერსიის მცდელობებისა და საჰაერო სივრცის დარღვევის შემთხვევებმა იმატა. შაბათ-კვირას რუსულმა რაკეტებმა და დრონებმა მოლდოვის საჰაერო სივრცე კიდევ ერთხელ დაარღვიეს. ეს სრულიად მიუღებელია“, - განუცხადა კალასმა ჟურნალისტებს ბრიუსელში.