ბრაზილიის გენპროკურორი პოლიტიკოსებს კორუფციაში ამხელს

ბრაზილიის გენერალურმა პროკურორმა როდრიგო ჟანომ ქვეყნის უზენაეს სასამართლოში 83 საქმე შეიტანა, რათა სისხლის სამართლის საქმე აღიძრას. სარჩელები მიმართულია ქვეყნის ათობით პოლიტიკოსისა და ჩინოსნის წინააღმდეგ, - იუწყება BBC.

პროკურორის თქმით, ისინი კორუფციაში არიან მხილებულნი. ჟანო სამშენებლო კონცერნის Odebrecht ტოპმენეჯერების და თანამშრომლების ჩვენებებს ეყრდნობა. 

Odebrecht სამხრეთ ამერიკაში ერთ-ერთი ყველაზე მსხვილი სამშენებლო კომპანიაა, ის სახელმწიფო ნავთობკომპანიის Petrobras კონტრაქტორია.

ეს ფაქტი კიდევ უფრო აღრმავებს ქვეყანაში ისედაც რთულ მდგომარეობას, რაც მსხვილ კორუფციულ სკანდალს უკავშირდება.