მოსკოვი რუსული სპეცრაზმის ეგვიპტისა და ლიბიის საზღვართან ყოფნას უარყოფს

რუსული სპეცრაზმის ეგვიპტისა და ლიბიის საზღვართან ყოფნის შესახებ ინფორმაცია სააგენტო Reuters-მა აშშ-ის დიპლომატიურ წყაროებზე დაყრდნობით გაავრცელა.

ოფიციალურმა ანონიმურმა წყარომ სააგენტოს უთხრა, რომ სპეცრაზმი ეგვიპტის დასავლეთ ნაწილში, ლიბიის საზღვრიდან დაახლოებით 100კმ-ის რადიუსში იმყოფება. ეგვიპტის სპეცსამსახურები რუსული სპეცრაზმის 22 კაციანი ჯგუფის ეგვიპტის ავიაბაზაზე ყოფნას ადასტურებენ, თუმცა მათ მონაწილეობას ეგვიპის მისიაში უარჰყოფენ.  

აშშ-ის ოფიციალური წყაროების ცნობით,  რუსეთის სპეცსამსახურების ნებისმიერი გადაადგილება შეფასდება, როგორც ლიბიის ეროვნული არმიის ხელმძღვანელის ხალიფ ჰაფთარის მხარდაჭერა.

Reuters-სი Interfax-ზე დაყრდნობით იუწყება,რომ ცოტა ხნის წინ აღნიშნულ საკითხთან დაკავშირებით, განცხადება რუსეთის საგარეო საქმეთა მინისტრის პრესსპიკერმა გააკეთა. იგორ კონაშენკოვის თქმით, რუსული სპეცრაზმი სიდი ბარანიში არ იმყოფება.