ტრამპს მიაჩნია, რომ მექსიკის კედლის მშენებლობით არალეგალური მიგრაცია შეწყდება

არალეგალი მიგრანტების თემას დონალდ ტრამპი კიდევ ერთხელ ეხმიანება და მისი შეჩერების გზებზე საუბრობს. თეთრი სახლის ლიდერს მიაჩნია, რომ ამ პროცესების შესაჩერებლად გამოსავალი აშშ-მექსიკის საზღვარზე კედლის მშენებლობის დროული დასრულებაა. ამის შესახებ ამერიკის შეერთებული შტატების პრეზიდენტი მიკრობლოგ Twitter-ზე წერს.

„....თუ ეს დასრულდება არალეგალური მიგრაცია შეჩერდება. ეს არის რეალური პასუხი. ჩვენ განვაგრძობთ კედლის მშენებლობას!“, - განმარტა დონალდ ტრამპმა.

....If this is done, illegal immigration will be stopped in it’s tracks - and at very little, by comparison, cost. This is the only real answer - and we must continue to BUILD THE WALL!

— Donald J. Trump (@realDonaldTrump) June 25, 2018

მანამდე შეერთებული შტატების პირველმა პირმა განაცხადა, რომ მიგრანტების დეპორტაცია სასამართლო პროცესის გარეშე უნდა მოხდეს. მისი თქით, აშშ-ში ბევრი ბავშვი მშობლების გარეშე ჩადის.

ოფიციალური ინფორმაციით, „ნულოვანი ტოლერანტობის“ პოლიტიკის ძალაში შესვლიდან აშშ-ში მიგრანტების 83%-ი მშობლის ან კანონიერი მეურვის გარეშე ჩავიდა.

დონალდ ტრამპმა 20 ივნისს აშშ-ში ჩასული უკანონო მიგრანტებისთვის შვილების ჩამორთმევის შესახებ გადაწყვეტილების მიზეზად ქვეყნის უსაფრთხოების უზრუნველყოფა დაასახელა. პოლიტიკოსებისა და ადგილობრივების ერთიანი ზეწოლის შემდეგ აშშ-ის პრეზიდენტმა ოჯახის წევრთა დაშორება განკარგულებით აკრძალა.