ლავროვი და მამედიაროვი მთიანი ყარაბაღის საკითხს განიხილავენ

რუსეთის და აზერბაიჯანის საგარეო საქმეთა მინისტრები სერგეი ლავროვი და ელმარ მამედიაროვი დღეს შეხვდებიან. სხვა საკითხებთან ერთად, მთიანი ყარაბაღის პრობლემაც განიხილება, - იუწყება აზერბაიჯანის მედია.

მამედიაროვი ლავროვის მიწვევით მოსკოვში ოფიციალური ვიზიტით იმყოფება.

"მოლაპარაკებების დროს მინისტრები განიხილავენ ორმხრივი თანამშრომლობის პერსპექტივებს, რეგიონულ და საერთაშორისო საკვანძო საკითხებს და მთიანი ყარაბაღის პრობლემასაც", - ნათქვამია რუსეთის საგარეო უწყების განცხადებაში.