ყაბარდო-ბალყარეთში ზვავის შედეგად 4 ადამიანი დაიღუპა

ყაბარდო-ბალყარეთში, იალბუზის მწვერვალის მახლობლად მდებარე მთა ჩეტეგზე ზვავი ჩამოწვა, რამაც 4 ადამიანის სიცოცხლე იმსხვერპლა. ინფორმაციას BBC ავრცელებს.

მანამდე, ვრცელდებოდა ინფორმაცია 2 დაღუპულსა და ერთ დაშავებულზე. გავრცელებული ინფორმაციით, გარდაცვლილებს შორის 2 ქალი და 2 კაცია.

ჩეტეგი ერთ-ერთი პოპულარული ტურისტული მარშრუტია და მასზე განთავსებულია სამთო-სათხილამურო სპორტის ცენტრი.