ირანის უშიშროების საბჭოს ხელმძღვანელი: ირანმა შესაძლოა, ბირთვული იარაღის გაუვრცელებლობის შესახებ შეთანხმება დატოვოს, თუ ქვეყნის წინააღმდეგ სამხედრო მოქმედებები განახლდება

ირანმა შესაძლოა, დატოვოს ბირთვული იარაღის გაუვრცელებლობის შესახებ შეთანხმება, იმ შემთხვევაში თუ მის წინააღმდეგ სამხედრო მოქმედებები განახლდება, - განაცხადა უშიშროების საბჭოს ხელმძღვანელმა, მოჰსენ რეზაიმ.

„ირანის შეიარაღებული ძალები კი აშშ-ს დამანგრეველ დარტყმებს მიაყენებენ, თუმცა ცვლილებების შესახებ გადაწყვეტილება ჯერ არ არის მიღებული“, - აღნიშნა მან.

მოჰსენ რეზაის განცხადებით, აშშ-ის მხრიდან ირანის მოთხოვნების დაკმაყოფილების შემდეგ, შესაძლებელი იქნება ბირთვული საკითხის განხილვა.

„სერიოზულად ვადევნებთ თვალყურს დიპლომატიას, მაგრამ არ დავთმობთ ირანელი ხალხის უფლებებს. ომი თუ დაიწყება, ჩვენ ამერიკის რქებს ისე დავამტვრევთ, რომ მსოფლიომ დაინახოს, რამდენად უუნაროა ეს ურქო ძროხა თავის დაცვაში“, - განაცხადა ირანის უშიშროების საბჭოს ხელმძღვანელმა.