უკრაინული მედია: უკრაინის კორუფციის წინააღმდეგ ბრძოლის ეროვნულმა ბიურომ იულია ტიმოშენკო კორუფციაში ამხილა - „ბატკივშინას“ ოფისში ჩხრეკა მიმდინარეობს

უკრაინის კორუფციის წინააღმდეგ ბრძოლის ეროვნულმა ბიურომ და სპეციალიზებულმა ანტიკორუფციულმა პროკურატურამ პარლამენტის ერთ-ერთი ფრაქციის ხელმძღვანელი კორუფციაში ამხილეს. ამავდროულად, „უკრაინსკა პრავდას“ წყაროები იტყობინებიან, რომ პარტია „ბატკივშინას“ ოფისში ჩხრეკა მიმდინარეობს.

ბიუროში განაცხადეს, რომ სპეციალიზებულ ანტიკორუფციულ პროკურატურასთან ერთად ამხილეს უმაღლესი რადის ერთ-ერთი ფრაქციის ხელმძღვანელი, რომელიც სხვა ფრაქციების წევრ დეპუტატებს ქრთამს სთავაზობდა კონკრეტული კანონპროექტების სასარგებლოდ ან მათ წინააღმდეგ ხმის მიცემის სანაცვლოდ.

„უკრაინსკა პრავდას“ ინფორმაციით, საუბარია იულია ტიმოშენკოზე, რომელიც ფრაქცია „ბატკივშინას“ ხელმძღვანელობს. როგორც წყაროები იტყობინებიან, ის სხვა ფრაქციების დეპუტატების მოსყიდვას ცდილობდა.