საფრანგეთში არჩევნების დროს წესრიგს 50 ათასი პოლიციელი დაიცავს

საფრანგეთის არჩევნების მეორე ტურის უსაფრთხოდ ჩატარებაზე 50 ათასი პოლიციელი და სამხედრო იზრუნებს. ინფორმაციას ავრცელებს BFMTV.

პარიზის პრეფექტურის განცხადებით, დედაქალაქის წესრიგს 12 ათასამი სამართალდამცველი დაიცვას. მათგან ხუთი ათასი საკუთრივ საარჩევნო უბნებზე იმორიგევებენ.

სპეცსამსახურების ცნობით, პატრული განლაგდება იმგვარად, რომ რაიმე ინციდენტის მოხდენის შემთხვევაში, რამდენიმე წუთში მივიდეს, შემთხვევის ადგილას.

გარდა ამისა, დამატებითი დაცვა ეყოლება კანდიდატებსა და მათ შტაბებს.

საფრანგეთის საპრეზიდენტო არჩევნების მეორე ტური 7 მაის გაიმართება. პირველი ტურის შედეგების მიხედვით, 24,01% ცენტრისტმა ემანუელ მაკრონმა მიიღო, ხოლო 21,3% კი „ნაციონალური ფრონტის“ კანდიდატმა მარინ ლე პენმა.