კანარის კუნძულებთან ბორანი ნავმისადგომს შეეჯახა

კანარის კუნძულებთან ბორანი, რომელიც გრან-კანარიადან ტენერიფეს მიმართულებით მოძრაობდა, ნავმისადგომს შეეჯახა. ამის შესახებ პორტალი La Vanguardia იუწყება. ინციდენტის ამსახველი ვიდეო Youtube-ზე დევს. 

საქმე ის არის, რომ როდესაც გემი პორტ ლას-პასმასიდან გამოდიოდა, მოულოდნელად ელექტროენერგია გაითიშა, რის გამოც ძრავა ვერ ჩართეს. ამიტომ ბორანი დინებით ნავმისადგომისკენ დაიძრა.

შეჯახების დროს გემის ბორტზე 140 ადამიანი იმყოფებოდა. რამდენიმე მგზავრმა მსუბუქი დაზიანებები მიიღო.