ატლანტის მეტროში თავდასხმას ერთი ადამიანი ემსხვერპლა

აშშ-ში, ატლანტის მეტროსადგურში უცნობმა კაცმა ცეცხლი გახსნა, რომლის შედეგადაც ერთი ადამიანი გარდაიცვალა, სამი კი დაშავდა, - წერს Reuters-ი ქალაქის სატრანსპორტო სამმართველოს მიერ გავრცელებულ განცხადებაზე დაყრდნობით.

ეჭვმიტანილი დაკავებულია – ნათქვამია უწყების განცხადებაში. მეტროსადგური West Lake Station, სადაც ინციდენტი მოხდა, დროებით დაკეტილია.

დაშავებულების ჯანმრთელობის მდგომარეობის შესახებ ინფორმაცია ჯერჯერობით, არ ვრცელდება.