კანადაში სპეცოპერაცია კანფეტების ქურდი ბავშვების დასაკავებლად ჩაატარეს

კანადის პოლიციამ იმ ბავშვების დასაკავებლად, რომლებმაც ტორონტოს მახლობლად გასართობი პარკიდან კანფეტები მოიპარეს, სრულმასშტაბიანი სპეცოპერაცია განახორციელა - იტყობინება Huffington Post-ი.

გამოცემის ცნობით, მოზარდების დევნაში რამდენიმე ქვეგანყოფილება ჩაერთო. რეიდში მონაწილეობდნენ კინოლოგები, პოლიციის ვერტმფრენი და იორკის ოლქის სპეცრაზმი.

15-16 წლის მოზარდებს დანაშაულის ადგილიდან არცთუ მოშორებით მიაგნეს. სამართალდამცველების თქმით, ისინი ბუჩქებში იმალებოდნენ, სადაც მოპარულ კანფეტებს შეექცეოდნენ.