ოლიმპიადაზე მოთხილამურეების შეჯიბრში ძაღლი ჩაერთო🐺ვიდეო

მილანი-კორტინას ოლიმპიურ თამაშებზე, ტეზეროს სათხილამურო ტრასაზე ძაღლი შეიჭრა. France 24 წერს, რომ ცხოველი თხილამურების გარეშეც კი, ვაჟკაცურად გაჰყვა ორ კონკურენტს - საბერძნეთის წარმომადგენელ კონსტანტინა ჩარალამპიდუსა და ხორვატ ტენა ჰაჯიჩს.

მან ფინიშის ხაზიც კი გადაკვეთა, თუმცა მისი „დიდების წამი“ მალევე დასრულდა: ორგანიზატორებმა ძაღლი ტერიტორიიდან გაიყვანეს. „ეჭვგარეშეა, რომ პატრონს მასთან სერიოზული საუბარი ექნება, როდესაც ისინი კვლავ შეხვდებიან ერთმანეთს“, - წერს გამოცემა.

— Eurosport.es (@Eurosport_ES) February 18, 2026

ფაქტს ოლიმპიური თამაშების ოფიციალური ანგარიშიც გამოეხმაურა და დაწერა: „მთელი ჩვენი ძალისხმევა გვჭირდება, რომ ჩვენს ახალ მეგობარ ძაღლს ყველა მედალი არ გადავცეთ“.