ევროპის ჩემპიონატზე მარცხის გამო, ძიუდოს ეროვნული ნაკრების სამწვრთნელო შტაბი გადადგა

ევროპის ჩემპიონატზე საქართველოს ეროვნული ნაკრების მარცხის გამო, საქართველოს ძიუდოს ეროვნული ნაკრების სამწვრთნელო შტაბი სრული შემადგენლობით გადადგა. ამის შესახებ ძიუდოს ფედერაციის პრეზიდენტმა დავით ქევხიშვილმა Facebook-ზე გავრცელებულ ვიდეომიმართვაში თქვა.

ქევხიშვილმა განაცხადა, რომ ის ესაუბრა ეროვნული ნაკრების მთავარ მწვრთნელს და საწვრთნელ შტაბს და ისინი იღებენ მომხდარზე პასუხისმგებლობას. ქევხიშვილმა დასძინა, რომ მსოფლიო ჩემპიონატისთვის მოსამზადებელი გეგმა უახლოეს პერიოდში მომზადდება.

შეგახსენებთ, რომ საქართველოს ძიუდოისტთა ნაკრებმა ევროპის ჩემპიონატი, ისრაელში, მედლების გარეშე დაასრულა.

ამ მარცხს ოლიმპიური ჩემპიონი და ვეტერანი ძიუდოისტი, ზურაბ ზვიადაური რამდენიმე დღის წინ Facebook-ზე გამოეხმაურა.