აბუ-დაბის პოლიციამ დააკავა 10 პირი Yas Island-ის სასტუმროში მომხდარ ძალადობრივ ინციდენტთან დაკავშირებით, რომელშიც უსმან ნურმაგომედოვი და მისი თანმხლები პირები მონაწილეობდნენ - აბუ-დაბის პოლიციის განცხადებით, საქმე პროკურატურას გადაეგზავნა

აბუ-დაბის პოლიციამ დააკავა 10 პირი Yas Island-ის სასტუმროში მომხდარ ძალადობრივ ინციდენტთან დაკავშირებით, რომელშიც უსმან ნურმაგომედოვი და მისი თანმხლები პირები მონაწილეობდნენ.

დვალიშვილი შაბათს უნდა გამოვიდეს RAF Abu Dhabi-ზე. ის სასტუმროს ლობიში ინტერვიუს აძლევდა, როდესაც ნურმაგომედოვი მიუახლოვდა. ინციდენტის ამსახველი ვიდეომასალა სოციალურ ქსელებში გავრცელდა.

აბუ-დაბის პოლიციის განცხადებით, ჩხუბში მონაწილე რვა პირი, ინციდენტის გადამღებ ორ სხვა პირთან ერთად, დააკავეს და საქმე პროკურატურას გადაეგზავნა.

„ინციდენტი რამდენიმე პირს შორის წარსულ უთანხმოებას მოჰყვა. იგი სასტუმროს შესასვლელთან მოხდა“, - ნათქვამია აბუ-დაბის პოლიციის განცხადებაში, სადაც ასევე აღნიშნულია, რომ „ისინი მკაცრად იმოქმედებენ იმ ქცევის წინააღმდეგ, რომელიც საზოგადოებრივ უსაფრთხოებას ემუქრება ან საზოგადოებრივ წესრიგს არღვევს“.

პოლიციამ ასევე მოუწოდა საზოგადოებას, „პატივი სცეს კანონს, დაიცვას რეგულაციები და გამოავლინოს პასუხისმგებლიანი და ცივილიზებული ქცევა“.