ზურაბ მსხალაძე და გოგა ჯაჯვანი ევროპის ჩემპიონები გახდნენ

ზურაბ მსხალაძე და გოგა ჯაჯვანი ძალოსნობაში ევროპის ჩემპიონები გახდნენ. ალბანეთის ქალაქ დურეში მიმდინარე კონტინენტის 23-წლამდე პირველობაზე მსხალაძემ სამივე დისციპლინაში საუკეთესო შედეგი აჩვენა და როგორც ატაცში, ასევე აკვრასა და ორჭიდის ჯამში ოქროს მედალი მოიპოვა.

ანალოგიური შედეგი აჩვენა 20-წლამდე ევროპის ჩემპიონატზე გოგა ჯაჯვანმა, რომელმაც ევროპის ორი რეკორდიც დაამყარა. დღეს ჩვენი ქვეყნის სახელით ტურნირზე კიდევ შვიდი ძალოსანი იასპარეზებს.