ბრმა ტყვიის შედეგად ქალის გარდაცვალების შესახებ ახალი დეტალები გახდა ცნობილი

გავრცელებული ინფორმაციით, ქალი, რომელიც თბილისში ბრმა ტყვიას ემსხვერპლა, მომღერალ თიკა მახალდიანის დედაა.

შემთხვევა ვაჟა-ფშაველას გამზირზე 19 აპრილს მოხდა. ქალი მერვე სართულზე, თავის სახლში იყო, როდესაც ტყვია მოულოდნელად ფანჯარაში შევარდა. მას სასიკვდილო ჭრილობა თავის არეში აქვს მიყენებული.

მომხდართან დაკავშირებით გამოძიება სისხლის სამართლის კოდექსის 108-ე და 236-ე მუხლებით დაიწყო, რაც განზრახ მკვლელობას და იარაღის უკანონო შეძენა-შენახვა-ტარებას გულისხმობს.