შინდისში ავტოსაგზაო შემთხვევას მსხვერპლი მოჰყვა

ავტოსაგზაო შემთხვევას სოფელ შინდისში ერთი ადამიანი ემსხვერპლა. გარდაცვლილია 45 წლამდე ასაკის კაცი.

imedinews-ის ინფორმაციით, მძიმედ დაშავდა მძღოლი, რომელიც გორში კლინიკა „გორმედში“ გადაიყვანეს. Golf-ის მარკის ავტომანქანა გაზის მილს დაეჯახა და ამობრუნდა.

შსს-ს ინფორმაციით, გამოძიება 276-ე მუხლის მე-6 ნაწილით დაიწყო.