ზუგდიდში, ზვიად გამსახურდიას სახელობის ცენტრში ორგანიზაციების „მშვიდობის ელჩების" და „მრავალშვილიანი საქართველოს" ერთობლივი საქმიანობის ანგარიშის პრეზენტაცია შედგა

ზუგდიდში, ზვიად გამსახურდიას სახელობის ცენტრში ორგანიზაციების „მშვიდობის ელჩების" და „მრავალშვილიანი საქართველოს" ერთობლივი საქმიანობის ანგარიშის პრეზენტაცია შედგა. პრეზენტაციის მსვლელობისას 7 მრავალშვილიანი დედა დაჯილდოვდა აფხაზეთის 7 ქალაქიდან. ინიციატივა მიზნად ისახავს მრავალშვილიანი დედების ღვაწლისა და დამსახურების წარმოჩენას.

პრეზენტაციის ბოლოს „ინგირს მელე" - მხატვრულ-დოკუმენტური ფილმის საპრემიერო ჩვენება გაიმართა. ფილმი ეხება აფხაზეთის ომის დროს განვითარებულ მოვლენებს, იმ ადამიანების ემოციურ გამოცდილებას, რომლებიც ძალაუნებურად აღმოჩნდნენ ტრაგედიის ეპიცენტრში.

ღონისძიებას მოწვეულ სტუმრებთან ერთად ხელისუფლების წარმომადგენლებიც დაესწრნენ.