ლევან გიგინეიშვილი: 2008 წლის ომმა გაახანგრძლივა „ნაციონალური მოძრაობის არსებობა, თორემ მორალური „დაცურება“ 7 ნოემბერს დაიწყო და სახალხო ლეგიტიმაცია იმ ხელისუფლებას აღარ ჰქონდა

7 ნოემბერი წყალგამყოფი იყო. მერე 2008 წლის ომმა გაახანგრძლივა „ნაციონალური მოძრაობის“ არსებობა, თორემ მორალური „დაცურება“ მანდ [7 ნოემბერი] დაიწყო და სახალხო ლეგიტიმაცია იმ ხელისუფლებას აღარ ჰქონდა, - განაცხადა გადაცემაში „ღია ეთერი“ ფილოლოგმა, პროფესორმა ლევან გიგინეიშვილმა.

მისივე თქმით, აუცილებელია საზოგადოებამ გააკონტროლს, რას პატიობს და რას ითმენს.

„პირველად რომ ვნახე, შეუვარდნენ და კორუმპირებულები დაიჭირეს, შეიძლება მომეწონა. ბასილ მკალავიშვილი არ მიყვარდა იმიტომ, რომ მისი მრევლის წევრები არბევდნენ სხვა კონფესიების წარმომადგენლებს, შეუვარდნენ და აი, კი არ მომწონდა, მაგრამ რაღაც... ყველამ გულში უნდა ჩაიხედოს რას პატიობს, რას ითმენს და გააკონტროლოს ეს მოთმენები იმიტომ, რომ საქმე იქამდე მივა, რომ ეს სიტუაცია „დაცურდება“ და ყველას შეეხება. როცა შიშის სინდრომი დაისადგურებს, მერე იფიქრებ, მიღირდა ამად? რა ევროპაში გაერთიანება მინდა დაშინებული ხალხის, როცა ხმის ამოღება არ შემიძლია, როცა ტერორის განცდა მაქვს, რა დასავლეთი და რა თავისუფლება?“ - განაცხადა გიგინეიშვილმა.