საგარეო უწყება: ვენესუელის ხელისუფლებამ საერთაშორისო სამართლის უხეში დარღვევით აღიარა საქართველოს ოკუპირებული რეგიონები დამოუკიდებელ სახელმწიფოებად, ვიმედოვნებთ, ბოლოდროინდელი მოვლენები გამოიწვევს ამ უკანონო გადაწყვეტილების გაუქმებას
პოლიტიკა

ფოტო: საგარეო საქმეთა სამინისტრო
საქართველოს საგარეო საქმეთა სამინისტრო ვენესუელაში განვითარებულ მოვლენებს ეხმაურება.
„ჩვენ ყურადღებით ვაკვირდებით ვენესუელაში მიმდინარე მოვლენებს იმ იმედით, რომ მომავალი პროცესები ვენესუელელი ხალხის საუკეთესო ინტერესების შესაბამისად წარიმართება.
იმის გათვალისწინებით, რომ ვენესუელის ხელისუფლებამ საერთაშორისო სამართლის უხეში დარღვევით აღიარა საქართველოს ოკუპირებული რეგიონები - აფხაზეთი და ე.წ. სამხრეთ ოსეთი - დამოუკიდებელ სახელმწიფოებად, ვიმედოვნებთ, რომ ბოლოდროინდელი მოვლენები გამოიწვევს ამ უკანონო გადაწყვეტილების გაუქმებას, საქართველოს ეროვნული ინტერესებისა და საერთაშორისო სამართლებრივი პრინციპების შესაბამისად", - აცხადებს საქართველოს საგარეო საქმეთა სამინისტრო.
— MFA of Georgia (@MFAgovge) January 4, 2026
">TWITTER POST
ცნობისთვის, 3 იანვრის ღამეს აშშ-მა ვენესუელაში სამხედრო ოპერაცია ჩაატარა, რის შედეგადაც ამერიკელმა სპეცრაზმელებმა პრეზიდენტი ნიკოლას მადურო და მისი მეუღლე, სილია ფლორესი შეიპყრეს და ქვეყნიდან გაიყვანეს. ისინი ნიუ-იორკში, სასამართლოს წინაშე „ნარკოტერორიზმის“ მიზნით შეთქმულების, კოკაინის შემოტანის, ასევე აშშ-ის წინააღმდეგ გამოსაყენებლად იარაღისა და ასაფეთქებელი მოწყობილობების შენახვის ბრალდებით წარდგებიან. აშშ-ის პრეზიდენტმა დონალდ ტრამპმა განაცხადა, რომ ვენესუელაში ხელისუფლების კანონიერ გადაცემამდე ქვეყანას აშშ უხელმძღვანელებს.




