პარლამენტთან 10-მდე სპეცრაზმელი დაშავდა

რუსთაველის გამზირზე, პარლამენტის შენობასთან საპროტესტო აქციაზე 10-მდე სპეცრაზმელი დაშავდა. სასწრაფომ მათ პირველადი დახმარება აღმოუჩინეს.

ასევე შეუძლოდ გახდა პოლიციელიც, რომელსაც პირველადი დახმარება აქციის მონაწილეებმა აღმოუჩინეს.

ამ წუთებში სახელმწიფო უსაფრთხოების სამსახურის წარმომადგენლები პარლამენტის შენობაში მყოფ ჟურნალიტებს სთხოვენ ტერიტორია დატოვონ. როგორც "ქრონიკის" ჟურნალისტი ადგილიდან იუწყება, უცნობია რატომ ატოვებინებენ მათ პარლამენტს.