გია აბაშიძე გვარამიას განცხადებაზე: მტკიცებაც კი ზედმეტია, რომ ბიძინა ივანიშვილი ის მეცენატია, რომელსაც სახელმწიფო ბიუჯეტიდან ერთი თეთრიც კი არასდროს აუღია. მან საკუთარი, უცხოეთში ნაშოვნი ფულით არჩინა ეს ქვეყანა მაშინ, როცა სახელმწიფო ბევრ რამეს ვერ სწვდებოდა — ჯარს, პოლიციას, პედაგოგებს თუ ინფრასტრუქტურას

ანალიტიკოსი გია აბაშიძე, ნიკა გვარამიას მიერ ბიძინა ივანიშვილის ქველმოქმედების კრიტიკას სოციალურ ქსელში ეხმიანება და აღნიშნავს, რომ „განულებული ავანტიურისტი“ ნიკა გვარამია ბიძინა ივანიშვილს აბრალებს იმას, რასაც „პოლიტიკური ლეში, მიხეილ სააკაშვილი და მისი ხროვა ნაცრეჟიმის დროს თავად სჩადიოდნენ''.

ანალიტიკოსი აღნიშნავს, რომ ბიძინა ივანიშვილს საქართველოს სახელმწიფო ბიუჯეტის ხარჯზე ფუფუნება-განცხრომისთვის სააკაშვილივით კი არ უპარპაშია და საკუთარი მილიარდები ქვეყანას დაახარჯა.

„სასამართლო დარბაზი მართლმსაჯულების ადგილია, ნიკა გვარამიასთვის კი — საკუთარი მარაზმის საჯარო ჩვენებაა. ხან ჰიგიენური ექსჰიბიციონიზმი, ხან აბსურდული ბრალდებები... მაგრამ ნაცგოიმური პერფორმანსი იწურება და სამართლიანი ვერდიქტი გარდაუვალია. განულებული ავანტიურისტი ნიკა გვარამია ბიძინა ივანიშვილს აბრალებს იმას, რასაც პოლიტიკური ლეში, მიხეილ სააკაშვილი და მისი ხროვა ნაცრეჟიმის დროს თავად სჩადიოდნენ.

მტკიცებაც კი ზედმეტია, რომ ბიძინა ივანიშვილი ის მეცენატია, რომელსაც სახელმწიფო ბიუჯეტიდან ერთი თეთრიც კი არასდროს აუღია. მან საკუთარი, უცხოეთში ნაშოვნი ფულით არჩინა ეს ქვეყანა მაშინ, როცა სახელმწიფო ბევრ რამეს ვერ სწვდებოდა — ჯარს, პოლიციას, პედაგოგებს თუ ინფრასტრუქტურას. ამ ყველაფერს ივანიშვილების ოჯახი საკუთარი სახსრებით აფინანსებდა.

ბიძინა ივანიშვილს საქართველოს სახელმწიფო ბიუჯეტის ხარჯზე ფუფუნება-განცხრომისთვის სააკაშვილივით კი არ უპარპაშია — საკუთარი მილიარდები ქვეყანას დაახარჯა. მისი არაერთი უანგარო ქველმოქმედება დღემდე ფართო საზოგადოებისთვისაც კი უცნობია, ყველა გადასახადი კი აბსოლუტურად სუფთად გადაიხადა.

და დღეს, საკონსტიტუციო სასამართლოს სხდომათა დარბაზიდან გვარამიას ამ ბოროტ სიბრიყვეს რომ ისმენ, მხოლოდ ერთი მწვავე კითხვა იბადება: აქვს კი დაცემასა და უტიფრობას რაიმე ზღვარი?! სამართლიანი, კანონიერი პოლიტიკური გადაწყვეტილება ახლოვდება. ეს ტოქსიკური ცირკაჩობაც მალე დასრულდება!“ - წერს აბაშიძე.