სერგეი სკრიპალი საავადმყოფოდან გაწერეს

ყოფილი რუსი ჯაშუში, სერგეი სკრიპალი ბრიტანეთში, სოლსბერის საავადმყოფოდან გაწერეს. ექიმების განმარტებით, ისინი სკრიპალის ჯანრთელობაზე მეთვალყურეობას გააგრძელებენ, თუმცა ის საავადმყოფოში აღარ დარჩება. ამის შესახებ Independent-ი წერს.

სერგეი სკრიპალი და მისი შვილი იულია 4 მარტს დიდი ბრიტანეთის ქალაქ სოლსბერის სავაჭრო ცენტრში უგონო მდგომარეობაში იპოვეს და საავადმყოფოში გადაიყვანეს.

სკრიპალების მოწამვლის შემდეგ ტერეზა მეიმაც გააკეთა განმარტება და რუსი ჯაშუშის ნერვულ-პარალიტიკური ნივთიერებით მოწამვლაში რუსეთი დაადანაშაულა.

ოფიციალური ლონდონი ირწმუნება, რომ სკრიპალების მოსაწამლად „ნოვიჩოკი“გამოიყენეს.