საფრანგეთის სენატმა დაამტკიცა კანონპროექტი, რომლის მიხედვით, აქციის დროს ქვეყნისთვის მიყენებული ზიანისთვის დემონსტრანტებს 10 000 ევრომდე თანხის გადახდა დაეკისრებათ

საფრანგეთის სენატმა დაამტკიცა კანონპროექტი, რომლის მიხედვითაც, აქციების დროს მიყენებული ზიანისთვის ფინანსური პასუხისმგებლობა დემონსტრანტებს დაეკისრებათ. ინფორმაციას ფრანგული მედია ავრცელებს.

კანონპროექტს, სახელწოდებით „ვანდალები იხდიან“ მხარი 229 სენატორმა დაუჭირა, წინააღმდეგი კი 105 იყო. ახლა დოკუმენტი განსახილველად საფრანგეთის ეროვნულ ასამბლეას გადაეგზავნება.

აღსანიშნავია, რომ კანონპროექტი ჯერ კიდევ მიმდინარე წლის მაისში, „უეფას“ ჩემპიონთა ლიგის ფინალში PSG-ის მიერ ლონდონის „არსენალის“ დამარცხების შემდეგ პარიზში მომხდარი არეულობის საპასუხოდ მომზადდა.

თუმცა, ინიციატივამ დამატებითი მნიშვნელობა შეიძინა მას შემდეგ, რაც 17 ოქტომბერს გამართული საპროტესტო აქციები საფრანგეთში ბოლო წლების ერთ-ერთ ყველაზე მასშტაბურ ძალადობრივ არეულობაში გადაიზარდა. ქვეყნის მასშტაბით ათასობით ობიექტი დაზიანდა, გაძარცვეს ათასობით მაღაზია.

კანონპროექტის თანახმად, ქუჩის აქციების დროს მიყენებული ზიანისთვის დემონსტრანტებს შესაძლოა 10 000 ევრომდე თანხის გადახდა დაეკისროთ. ზიანის ანაზღაურების მიზნით შესაძლოა პირებს სოციალური დახმარებისა და საცხოვრებლის სუბსიდირების თანხებიც ჩამოაჭრან.