ტრამპმა განაცხადა, რომ თავდაცვის მდივნის, პიტ ჰეგსეტის შეცვლას არ გეგმავს

აშშ-ის პრეზიდენტმა, დონალდ ტრამპმა განაცხადა, რომ თავდაცვის მდივნის, პიტ ჰეგსეტის შეცვლას არ გეგმავს.

„არა, ვფიქრობ, ის თავის საქმეს ძალიან კარგად აკეთებს“, - განაცხადა ტრამპმა ჟურნალისტების შეკითხვის საპასუხოდ, გეგმავდა თუ არა ჰეგსეტის შეცვლას შუალედურ არჩევნებში „რესპუბლიკელთა“ სუსტი შედეგების შემდეგ, როდესაც „დემოკრატებმა“ წარმომადგენელთა პალატაში, სენატსა და რამდენიმე შტატის გუბერნატორის პოსტზე მოიპოვეს გამარჯვება.

გამოცემა The Hill-ის ინფორმაციით, ჰეგსეტი, რომელიც არმიის ეროვნული გვარდიის ყოფილი მაიორია, დაინტერესებულია ტენესის შტატის სენატორის ვაკანტური ადგილით და ამ პოზიციისთვის ფარულ კამპანიასაც ეწევა.

„მიმაჩნია, რომ ის ძალიან კარგად მუშაობს. ვფიქრობ, ასეც რომ მოიქცეს, დიდი პოპულარობით ისარგებლებს, თუმცა ამის შესახებ ჯერ არაფერი მსმენია“, - აღნიშნა ტრამპმა.

ამავდროულად, ოთხშაბათს CBS News-მა გაავრცელა ინფორმაცია, რომ ტრამპი მრჩევლებთან უკვე განიხილავდა საკითხს, უნდა დარჩეს თუ არა ჰეგსეტი თანამდებობაზე.