ირანის საგარეო საქმეთა მინისტრი: ბირთვული მოლაპარაკებების მესამე რაუნდი აქამდე ჩატარებულთა შორის ყველაზე სერიოზული იყო

ირანის საგარეო საქმეთა მინისტრმა, აბას არაღჩიმ ირანის სახელმწიფო ტელევიზიას განუცხადა, რომ ბირთვული პროგრამის შესახებ ჟენევაში დღეს გამართული მოლაპარაკებების მესამე რაუნდი აქამდე ჩატარებულთა შორის „ერთ-ერთი ყველაზე სერიოზული“ იყო.

არაღჩის თქმით, მხარეებმა განიხილეს როგორც ირანის ბირთვული პროგრამა, ასევე აშშ-ის მიერ ირანისთვის დაწესებული სანქციები.

მისივე განცხადებით, გარკვეულ საკითხებზე შეთანხმება მიღწეულია, ზოგიერთზე კი უთანხმოება კვლავ რჩება, თუმცა ორივე მხარემ გადაწყვეტილების მისაღწევად „აშკარა სერიოზულობა“ გამოავლინა.