ტრამპი და პუტინი ხვალ სატელეფონო საუბრის გამართვას გეგმავენ

დონალდ ტრამპი ხვალ, 19 მაისს რუსეთის პრეზიდენტთან, ვლადიმირ პუტინთან სატელეფონო საუბრის გამართვას გეგმავს. სოციალურ ქსელში გამოქვეყნებულ პოსტში აშშ-ის პრეზიდენტმა ისიც აღნიშნა, რომ რუსეთის ლიდერთან საუბრის შემდეგ უკრაინის პრეზიდენტს, ვოლოდიმირ ზელენსკის დაელაპარაკება.

ტრამპსა და პუტინს შორის სატელეფონო საუბრისთვის მზადებას ადასტურებს კრემლიც. რუსეთის პრეზიდენტის პრეს-სამსახურის ცნობით, სატელეფონო საუბრის გასამართად მზადება მიმდინარეობს.

BBC-ს ინფორმაციით, თეთრი სახლისა და კრემლის ლიდერები უკრაინაში ცეცხლის შეწყვეტას და ერთმანეთთან შეხვედრის შესაძლებლობას განიხილავენ.