10 წლის ბიჭმა პაპის საპენსიო დანაზოგი კლასელებს დაურიგა

10 წლის ესპანელმა ბიჭმა კლასელებს 10 ათასი ევრო დაურიგა, რომელსაც ბავშვის პაპა წამლებისთვის ინახავდა. ინფორმაციას Daily Mail ავრცელებს.

სკოლაში, გაკვეთილებს შორის გამოცხადებული შესვენების დროს, მასწავლებელმა შენიშნა, რომ რამდენიმე მოსწავლეს 100 ევროს კუპიურა ჰქონდა. ბავშვებმა მასწავლებელს უთხრეს, რომ ფული თანაკლასელმა მისცათ. ბიჭმა ყველაფერი აღიარა.

მასწავლებლებმა გულუხვი ბავშვის თანაკლასელების მშობლებს თანხის დაბრუნება სთხოვეს. 

როგორც ირკვევა, მათ შეძლეს თანხის დიდი ნაწილის მოგროვება, ნაწილი კი ბავშვებს უკვე დახარჯული ჰქონდათ.