სარა ჯესიკა პარკერმა აშშ-ის გენპროკურორის და რუსეთის ელჩის კავშირებზე იხუმრა

ამერიკელმა მსახიობმა სარა ჯესიკა პარკერმა, აშშ-ის გენპროკურორის ჯოზეფ სეშნსის და რუსეთის ელჩის სერგეი კისლიაკის, საიდუმლო კავშირებთან დაკავშირებით, თავის Instagram -ზე მემი გამოაქვეყნა, რომელშიც პარკერის მიერ შესრულებული Sex and the City-ის  პერსონაჟი ქერი ბრედშოუ ამბობს: „არ შემიძლია ამაზე არ ვიფიქრო... ნუთუ რუსეთის ელჩი ყველას ხვდებოდა, ჩემ გარდა?“

 

 

I had to. Don't know the provenance however whoever you are, thank you. X, sj

A post shared by SJP (@sarahjessicaparker) on Mar 2, 2017 at 1:44pm PST

მსახიობმა პოსტს დაუმატა, რომ აუცილებლად უნდა გაეზიარებინა ეს და მემის შემქმნელის მადლიერია.

Washington Post-ის ინფორმაციით, შარშან, ჯოზეფ სეშნსი რუსეთის ელჩს აშშ-ში კისლიაკს ორჯერ ელაპარაკა. გაზეთი იუსტიციის სამინისტროს წყაროზე დაყრდნობით წერს, რომ აშშ-ის კონგრესში, სეშნსის კანდიდატურის განხილვისას, მას ჰკითხეს, ჰქონდა თუ არა კონტაქტი რუსეთის წარმომადგენლებთან, რაზეც მან უარყოფითად უპასუხა და კონგრესს დაუმალა კისლიაკთან კავშირის შესახებ.