ბრიტანელები უკმაყოფილოები არიან, რომ პრინცი ჰარი და მეგან მარკლი გარემოს აბინძურებენ

იბიცაზე მოგზაურობის შემდეგ პრინცი ჰარი და მეგან მარკლი ნიცის აეროპორტში შენიშნეს. წყვილის ფოტოებს The Daily Mail-ი ავრცელებს. გამოცემის ინფორმაციით სასექსის ჰერცოგი, მისი მეუღლე და შვილი არჩი ლაჟვარდოვან სანაპიროზე კერძო თვითმფრინავით ჩაფრინდნენ.

ამან ბრიტანული საზოგადოების უკმაყოფილება გამოიწვია, რადგან კერძო რეისების შესრულებისას ჰაერში გაცილებით მეტი მავნე გაზი გამოიყოფა, ჰარი და მეგანი კი ხშირად უსვამენ ხაზს გარემოს დაცვის აუცილებლობას.

ბოლო 8 დღის განმავლობაში ჰარი და მეგანი კერძო თვითმფრინავით მესამედ სარგებლობენ. აგვისტოს დასაწყისში წყვილი იბიცაზე გაფრინდა, სადაც 6 დღე გაატარა. შემდეგ ლონდონში მეგანის დაბადების დღის აღსანიშნავად დაბრუნდნენ, ახლა კი დასვენებას საფრანგეთში განაგრძობენ.