სააღდგომოდ აშშ-ში 45 კილოგრამის შოკოლადის კვერცხი გააკეთეს

აშშ-ის ქალაქ ლეიკ-ელმიში (მინესოტას შტატი) გიგანტური შოკოლადის კვერცხი გააკეთეს, იუწყება UPI.

რესტორნის მეპატრონემ მზარეულს დაავალა სააღდგომოდ 45 კილოგრამის შოკოლადის კვერცხის გაკეთება. კვერცხის ორი ნაწილი ცალ-ცალკე გაკეთდა, შემდეგ კი ისინი ერთმანეთს შავი შოკოლადის არშიით მიამაგრეს. კვერცხის ზედაპირი შოკოლადის 240 ყვავილით მორთეს.

რესტორანი გეგმავს კვერცხის დემონსტრირება 24 აპრილს მოახდინოს.

„ხალხს ის მოსწონს, რადგან ძალიან დიდია და არცერთ სხვა კვერცხს არ ჰგავს“, - თქვა რესტორნის მზარეულმა ჯონი მარტიმ. გასულ წელს მან 13 კილოგრამის კვერცხი გააკეთა.

წელს კათოლიკური და მართლმადიდებლური ეკლესიები აღდგომას ერთ დღეს 16 აპრილს აღნიშნავს.